Albaniyada sükut pozuldu: “Roma” və “Feyenoord” azarkeşləri arasında kütləvi dava - VİDEO

Konfrans Liqasının finalına vəsiqə qazanmış “Roma” və “Feyenoord” klubunun azarkeşləri arasında toqquşmalar baş verib.

Fanatlar bu gün final oyununun baş tutacağı Albaniyanın paytaxtı Tiranada sakitliyi pozub, bir-birlərinə qarşı zorakılıq ediblər.

Toqquşmalar nəticəsində 10 albaniyalı polis xəsarət alıb.

Hüquq-mühafizə orqanları zorakılıq edən azarkeşlərə qarşı gözyaşardıcı qazdan istifadə etməli olub.

Polisin məlumatına görə, hər iki komandanın ümumilikdə 60 azarkeşi həbs edilib.

Mənbə: AFP