Azərbaycanlı qapıçı qol vurdu, millimiz Avropa çempionatında 1/4 finala yüksəldi - VİDEO

Azərbaycanın minifutbol üzrə yığma komandası Slovakiyanın Koşitse şəhərində keçirilən Avropa çempionatında 1/4 finala yüksəlib.

Oxu.Az xəbər verir ki, Elşad Quliyevin baş məşqçi olduğu kollektiv 1/8 finalda İsraili məğlubiyyətə uğradıb – 3:0. Bu qollardan birini millimizin qapıçısı Davud Kərimi vurub.

Qeyd edək ki, millimizin növbəti mərhələdə rəqibi Slovakiya – Gürcüstan matçının qalibi olacaq. Bu matç Bakı vaxtı ilə saat 22:15-də başlayacaq.