“Qarabağ”a qarşı mübarizə aparmış klubun baş məşqçisi PSJ-də - YENİLƏNİB
“Qarabağ”a qarşı mübarizə aparmış klubun baş məşqçisi PSJ-də - YENİLƏNİB
PSJ-nin yeni baş məşqçisinin adına aydınlıq gəlib.
Məlumat Paris klubunun rəsmi saytına dərc edilib.
Belə ki, 55 yaşlı fransalı futbol mütəxəssisi Kristof Qaltye PSJ-nin yeni baş məşqçisi təyin edilib.
Kristof Qaltyenin əvvəlki iş yeri Fransanın “Lill” klubu olub.
O, “Lill” ilə 2020-2021-ci il mövsümündə Fransa Superkubokunu və Fransa çempionluğunu qazanıb.
Qeyd edək ki, Kristof Qaltye Azərbaycan futbol ictimaiyyətinə də tanışdır. Belə ki, “Qarabağ” 2014-cü ildə Avropa Liqasının qrup mərhələsində Fransanın “Sent-Etyen” klubu ilə mübarizə aparıb.
O zaman “Sent-Etyen” klubuna məhz Kristof Qaltye rəhbərlik edirdi. Klublar arasında baş tutan iki görüş də heç-heçə başa çatıb (1:1, 0:0).
16:24
Fransanın PSJ klubu argentinalı baş məşqçisi Maurisio Poçettino ilə yollarını ayırıb.
Bu barədə klubun saytı məlumat yayıb.
“Klubumuz Poçettino ilə tərəfdaşlığımızı başa vurduğumuzu təsdiqləyir. Maurisio və onun məşqçilər heyətinə PSJ-dəki fəaliyyətinə görə təşəkkür edirik”, - Fransa klubunun yaydığı məlumatda qeyd olunub.
Qeyd edək ki, argentinalı mütəxəssis 2021-ci ilin yanvarından Paris təmsilçisini çalışdırırdı.
Onun rəhbərliyi altında komanda Fransa Kubokunu və Superkubokunu qazanıb, eyni zamanda tarixində 10-cu dəfə ölkə çempionu olub.