26 
İyl
2022
14:46
71
21
1699
Virtual karabakh

Bu il dopinqə düşməsi təsdiqlənmiş Azərbaycan idmançılarının adları bilindi

26 İyl, 2022
14:46
1699

Bu il dopinqə düşməsi təsdiqlənmiş Azərbaycan idmançılarının adları bilindi

Bizim WhatsApp kanalımıza buradan abunə ola bilərsiniz

Bu il dopinqə düşdüyü təsdiqlənmiş Azərbaycan idmançılarının sayı bəlli olub.

“Report”un məlumatına görə, onların sayı 7 nəfərdir.

2019-cu ildə hərbçi idmançılar arasında keçirilmiş VII Dünya Oyunlarının bürünc mükafatçısı, yunan-Roma güləşçisi Mikayıl Rəhmanov 4 illik cəzalandırılıb.

Ötən il Moskvada keçirilmiş pauerliftinq üzrə dünya çempionatında gümüş medal qazanmış Kamran Lazımov və bürünc mükafatçı Aydın Hümbətov müvafiq olaraq 4 və 8 illik cəza alıblar. Hümbətovun cəzasının çoxluğu 3 antidopinq qayda pozuntusuna yol verməsi və “idmançı və ya digər şəxs tərəfindən dopinq nəzarətinin hər hansı bir hissəsinin saxtalaşdırılması və ya saxtalaşdırma cəhdi”nin olması ilə bağlıdır.

Karateçi Arzu Hüseynova da 4 illik cəzaya məhkum edilib.

Basketbolçu Valeri Ramazanov və yanvarda keçirilmiş boks üzrə son Azərbaycan çempionatının bürünc medalçısı Elməddin İsmayılov 2 illik cəzalandırılıb.

Həmçinin karatenin kata növündə əvvəllər Azərbaycanı təmsil etmiş İran əsilli Neda Rezayi 4 illik cəza alıb.

Bizimlə əlaqə saxlayın

Digər İdman xəbərləri