Avq
2022
09:36
97
14
1232
Virtual karabakh

Bu gün Azərbaycan Premyer Liqasında yeni mövsümə start veriləcək

5 Avq, 2022
09:36
1232

Bu gün Azərbaycan Premyer Liqasında yeni mövsümə start veriləcək

Bu gün futbol üzrə Azərbaycan Premyer Liqasında 2022/2023 mövsümünə start veriləcək.

“Report”un məlumatına görə, cari çempionat altı illik fasilədən sonra 10 komandanın iştirakı ilə keçiriləcək və burada ilk dəfə VAR sistemindən istifadə olunacaq.

I turun açılış matçı dörd ildən sonra elitaya qayıdan “Kəpəz”lə ötən mövsümün bürünc medalçısı “Zirə” arasında olacaq. Gəncə şəhər stadionunun tribunaları qəzalı vəziyyətdə olduğundan bölgə klubu rəqibini “Dalğa Arena”da qəbul edəcək. Görüşdə ədaləti FIFA referisi Əliyar Ağayev qoruyacaq.

İki komanda indiyədək Premyer Liqada 12 dəfə üz-üzə gəlib. Bunların üçündə Gəncə təmsilçisi, 5-də isə Bakı klubu qalib gəlib. Dörd qarşılaşmada heç-heçə qeydə alınıb. Topların nisbətində də “qartallar”ın üstünlüyü var - 16:11.

“Zirə” son dörd qarşılaşmada rəqibinə uduzmayıb. “Kəpəz” son iki ev oyununda qol vurmayıb.

Azərbaycan Premyer Liqası
I tur
5 avqust

19:30. “Kəpəz” – “Zirə”

Hakimlər: Əliyar Ağayev, Zeynal Zeynalov, Akif Əmirəli, Cavid Cəlilov
Hakim-inspektor: Ramil Diniyev
VAR hakimi: Vüqar Həsənli
VAR hakiminin köməkçisi: Rəhman İmami
“Dalğa Arena”.

Qeyd edək ki, tura avqustun 6-sı, 7-si və 8-də keçiriləcək “Qarabağ” – “Səbail”, “Şamaxı” – “Neftçi”, “Sabah” – “Sumqayıt” və “Turan Tovuz” – “Qəbələ” görüşləri ilə yekun vurulacaq.

Bizimlə əlaqə saxlayın

Digər İdman xəbərləri