18 
Avq
2022
18:10
265
10
1887
Virtual karabakh

ABŞ-da yaşayan idmançımız UFC ilə müqavilə imzalayıb - FOTO

18 Avq, 2022
18:10
1887

ABŞ-da yaşayan idmançımız UFC ilə müqavilə imzalayıb - FOTO

Bizim WhatsApp kanalımıza buradan abunə ola bilərsiniz

ABŞ-da yaşayan və qarışıq döyüş növündə (MMA) mübarizə aparan azərbaycanlı idmançı Nazim Sadıxov nüfuzlu “Ultimate Fighting Championship” (UFC – Mütləq Döyüş Çempionatı) idman təşkilatı ilə müqavilə imzalayıb.

Bu barədə Diasporla İş Üzrə Dövlət Komitəsi məlumat yayıb.

Bu mühüm hadisə həftənin ikinci günü onun “Dana White's Contender Series 50” yarışında qələbəsindən sonra baş verib. Soydaşımız sözügedən yarışda Ahmad Həsənzadəyə qalib gəlib.  

Qeyd edək ki, Nazim Sadıxovun ailəsi Bakıdan ABŞ-ın ən böyük meqapolisi hesab olunan Nyu York şəhərinə köçüb. 28 yaşlı idmançı bu ilin martında Hyuston şəhərində keçirilən “Fury FC 59” yarışında mühüm qələbə qazanaraq, Texas ştatının çempionu olub. ABŞ-da qazandığı bütün qələbələrini tarixi vətəni olan Azərbaycana həsr edən soydaşımız hər yarışın sonunda üçrəngli bayrağımızı dalğalandırır. 

Xaırladaq ki, Las-Veqasda yerləşən UFC qarışıq döyüş növü üzrə dünyamiqyaslı yarışlar təşkil edir.

Diasporla İş üzrə Dövlət Komitəsi soydaşımızı bu mühüm hadisə münasibətilə təbrik edir, ona peşəkar idmançı karyerasında parlaq və davamlı uğurlar arzulayır.  

Bizimlə əlaqə saxlayın

Digər İdman xəbərləri