Braziliyalı ulduz “Mançester Yunayted”də - YENİLƏNİB + FOTO
Braziliyalı ulduz “Mançester Yunayted”də - YENİLƏNİB + FOTO
Mançester Yunayted yarımmüdafiəçi Kasemironun transferi üçün Madrid “Real”ı ilə razılığa gəlib.
Bu barədə Premyer Liqa klubundan məlumat verilib.
Qeyri-rəsmi məlumatlara görə, 30 yaşlı braziliyalı mankunianlarla şəxsi müqavilənin şərtlərini müzakirə etməli olacaq.
Futbolçunun tibbi müayinədən keçmək üçün yaxın 24-48 saat ərzində İngiltərəyə uçacağı gözlənilir. Kazemiro bir illik uzadılma opsiyalı 4 illik müqavilə imzalayacaq.
Onun transferi üçün “Kral klubu”na 70 milyon avro ödəniləcək.
We are delighted to have reached an agreement in principle for the transfer of @Casemiro 🇧🇷#MUFC
— Manchester United (@ManUtd) August 19, 2022
12:32
Madrid “Real”ının yarımmüdafiəçisi Kazemiro “Mançester Yunayted”ə keçməyə hazırlaşır.
Britaniyalıların braziliyalı futbolçu üçün 60 milyon avro ödəyəcəyi deyilir. Bundan başqa, 10 milyon avro da bonuslar şəklində ödənilə bilər. Futbolçu “Mançester Yunayted”də həftəlik 413 min avro qazanacaq.
Braziliyalı yarımmüdafiəçi ötən mövsüm İspaniya çempionatında 32 oyuna çıxıb, bir qol vurub və üç məhsuldar ötürmə edib. Kazemiro “Real”da 2013-cü ildən çıxış edir. Onun Madrid klubu ilə müqaviləsi 2025-ci ilin yayına qədərdir.
“Trasnfermarkt”ın məlumatına görə, Kazemironun bazar dəyəri 40 milyon avrodur.
Mənbə: Gazeta.ru