Qazaxıstan Belarusa qalib gələrək qrupda liderliyi və B liqasına vəsiqəni erkən təmin etdi - VİDEO

UEFA Millətlər Liqasının qrup mərhələsində V tura start verilib.

Oxu.Az xəbər verir ki, günün ilk görüşü milli komandamızın da yer aldığı C Divizionunun 3-cü qrupunda keçirilib.

Qazaxıstan yığması doğma meydanda Belarusu qəbul edib.

Görüş meydan sahiblərinin 2:1 hesablı qələbəsi ilə başa çatıb.

Bu qələbədən sonra xallarını 13-ə çatdıran Qazaxıstan millisi sona bir tur qalmış qrup liderliyini və B Liqasına vəsiqəni təmin edib.

UEFA Millətlər Liqası
Qrup mərhələsi, V tur
22 sentyabr

C Liqası
3-cü qrup

Qazaxıstan - Belarus - 2:1
Qollar: Mixail Qabışev, 29. Baxtiyor Zaynutdinov, 79 - Pavel Savitski, 45+3

Qırmızı vərəqə: Askat Taqibergen, 90+4 (Qazaxıstan)