Derbini “Arsenal” qazandı, “Çelsi”dən əzmkar qələbə, “Liverpul”un “come-back”ə gücü çatmadı – YENİLƏNİB+VİDEO
Derbini “Arsenal” qazandı, “Çelsi”dən əzmkar qələbə, “Liverpul”un “come-back”ə gücü çatmadı – YENİLƏNİB+VİDEO
İngiltərə Premyer Liqasında IX tur davam edir.
Oxu.Az xəbər verir ki, “Çelsi” səfərdə “Kristal Pelas”a 2:1 hesabı ilə qalib gəlib.
“Liverpul” isə olduqca gərgin və dramatic keçən oyunda evdə “Brayton”la heç-heçə edib - 3:3
Meydan sahibləri erkən buraxdıqları iki qolla hesabda geri düşsələr də, sonradan toparlanıb üç qol vuraraq oyunda dönüş yaradıblar. Amma “Brayton”un hücumçusu Trossard 83-cü dəqiqədə het-trikini rəsmiləşdirərək komandasının səfərdən bir xalla qayıtmasını təmin edib.
İngiltərə Premyer Liqası
IX tur
1 oktyabr
“Bornmut” – “Brentford” - 0:0
“Kristal Pelas” – “Çelsi” - 1:2
Qollar: Eduard, 7 - Obameyanq, 38, Qallaher, 90
“Liverpul” – “Brayton” - 3:3
Qollar: Firmino, 33, 54, Uebster, 63-avtoqol - Trossard, 4, 17, 83
“Fulhem” – “Nyukasl” - 1:4
Qollar: Dekordova-Rid, 88 - Uilson, 11, Almiron, 33, Lonqstaff, 43, Almiron, 57
“Sauthempton” – “Everton” - 1:2
Qollar: Aribo, 49, Maknil, 54 - Koudi, 52
17:25
İngiltərə Premyer Liqasının doqquzuncu turu çərçivəsində baş tutan “Arsenal” - “Tottenhem” matçında ev sahibləri böyük hesablı qələbə qazanıblar.
Oxu.Az xəbər verir ki, “Emireyts Stedium”da baş tutan qarşılaşmada hesab 20-ci dəqiqədə açılıb.
Belə ki, “topçular”ın heyətində Tomas Parti fərqlənib, 1-0.
Harri Keynin qolu isə özünü çox gözlətməyib. 31-ci dəqiqədə ingilis forvard penalti zərbəsindən hesabı bərabərləşdirib.
İkinci hissə başlar-başlamaz ev sahibi yenidən hesabda önə keçib. Qabriel Jesus adını taploya yazdırıb, 2-1.
62-ci dəqiqədə “Tottenhem”in sağ cinah yarımmüdafiəçisi Emerson kobud oyuna görə birbaşa qırmızı vərəqə ilə meydandan qovulub.
Qarşılaşmanın 67-ci dəqiqəsində Qranit Jaka Martinellinin ötürməsini qola çevirərək ev sahiblərinin üstünlüyünü daha da artırıb, 3-1. Bu, oyunda vurulan son qol olub.
Bu qələbədən sonra “Arsenal” liderliyini möhkəmləndirib.