Oçoa Levandovskinin penaltisini dəf etməsi haqda: “Bir ay üzərində işlədik, 50-dən çox videoya baxdıq” - VİDEO

Meksika millisinin qapıçısı Gilyermo Oçoa Robert Levandovskinin penaltisini necə dəf etdiyindən danışıb.

“Son bir neçə həftə, hətta bir aydır ki, qapıçıların məşqçisi ilə bunun üzərində işləyirik. Levandovskinin penalti videosuna baxmaq əsl məşəqqətdir: 50-dən çox zərbə görürsən və onun necə vuracağını hələ də anlaya bilmirsən. Şadam ki, penaltini dəf edə və qapımızı qoldan qoruya bildim”, - Oçoa bildirib.

Xatırladaq ki, Qətərdə keçirilən dünya çempionatının C qrupunda ilk tura yekun vurulub. Qrupun 2-ci oyununda Meksika və Polşa yığmaları üz-üzə gəliblər. Qarşılaşmada hesab açılmayıb - 0:0.

Mənbə: Sports.ru