“Sabah” klubu yeni rekorda imza atıb

“Sabah” klubu tarixinin yeni rekorduna imza atıb.

Peşəkar Futbol Liqasının rəsmi saytı xəbər verir ki, paytaxt təmsilçisi buna “Səbail”i 4:0 hesabı ilə məğlub etdikləri Premyer Liqanın XXI tur oyununda nail olub.

“Bayquşlar” çempionatda ardıcıl dörd quru oyun keçiriblər. Murad Musayevin baş məşqçi olduğu kollektiv mövsümün ilk yarısını “Sumqayıt” üzərində 6:0 hesablı qələbə ilə başa vurub.

2023-cü ildə “Neftçi”ni 2:0, “Qəbələ”ni 3:0, “Səbail”i 4:0 hesabı ilə məğlub edən Bakı klubu ardıcıl 4 quru hesablı qələbə qazanıb.

“Sabah” sonuncu dəfə XVII turun 2022-ci il dekabrın 14-də baş tutan matçında “Kəpəz”dən qol buraxıb – 2:2.

Bunadək komandanın ən uzun quru seriyası 3 oyundan ibarət olub. “Sabah” 4 dəfə belə seriyaya imza atıb.