Podolski bir günlük qazancının hamısını zəlzələdən zərər çəkənlərə ianə etdi - FOTO

“Qalatasaray” klubunun və Almaniya Milli Komandasının keçmiş futbolçusu Lukas Podolski Türkiyədəki dağıdıcı zəlzələdən əziyyət çəkənlərə maddi yardım göndərib.

Sabiq futbolçu bu barədə öz “Instagram” səhifəsində yazıb.

“Gün birlik günüdür” başlıqlı statusunda Podolski qeyd edib ki, bugünkü qazancını fəlakətdən zərər çəkmiş türkiyəli vətəndaşlara bağışlayacaq.

Məlumat üçün qeyd edək ki, Polşa əsilli alman futbolçunun Almaniyanın Köln şəhərində dönər restoranları var.