Avropa Liqası: “Mançester Yunayted” və “Yuventus”un rəqibləri məlum oldu - YENİLƏNİB
Avropa Liqası: “Mançester Yunayted” və “Yuventus”un rəqibləri məlum oldu - YENİLƏNİB
UEFA Avropa Liqasında mövsümün sonuncu püşkü atılıb.
Oxu.Az xəbər verir ki, İsveçrənin Nyon şəhərində keçirilən tədbir Bakı vaxtı ilə saat 16:00-da start götürüb.
Püşkatma mərasimində 1/4 və yarımfinal cütlükləri bəlli olacaq, eyni zamanda, final matçının nominal meydan sahibinin adına aydınlıq gəlib.
Bu mərhələdən etibarən, püşkün nəticəsinə əsasən, istənilən ölkə təmsilçisi bir-birilə qarşılaşa bilib.
Turnirin favoritlərindən “Mançester Yunayted” yarışın ən çox qalibi olmuş “Sevilya”ya rəqib olub. Digər favorit “Yuventus” “Sportinq”lə üz-üzə gələcək. “Bayer” “Union”, “Roma” isə Konfrans Liqasının ötən mövsümünün finalında qalib gəldiyi “Feyenoord”a rəqib olub.
1/4 final mərhələsinin ilk oyunları aprelin 13-də, cavab matçları bundan bir həftə sonra gerçəkləşəcək. Yarımfinal görüşləri mayın 11-i və 18-də olacaq.
Turnirin final görüşü isə mayın 31-də Macarıstanın paytaxtı Budapeştdəki “Puşkaş Arena”da baş tutacaq.
UEFA Avropa Liqası
1/4 final mərhələsi
“Mançester Yunayted” (İngiltərə) - “Sevilya” (İspaniya)
“Yuventus” (İtaliya) - “Sportinq” (Portuqaliya)
“Bayer” (Almaniya) - “Union” (Belçika)
“Feyenoord” (Niderland) - “Roma” (İtaliya)
Yarımfinal
1. “Yuventus” (İtaliya)/“Sportinq” (Portuqaliya) cütünün qalibi - “Mançester Yunayted” (İngiltərə)/“Sevilya” (İspaniya) cütünün qalibi
2. “Feyenoord” (Niderland)/“Roma” (İtaliya) - “Bayer” (Almaniya)/“Union” (Belçika) cütünün qalibi
Final
1-ci cütün qalibi - 2-ci cütün qalibi
09:40
Bu gün UEFA Avropa Liqasında cari mövsümün sonuncu püşkü atılacaq.
“Report”un məlumatına görə, İsveçrənin Nyon şəhərində keçiriləcək tədbir Bakı vaxtı ilə saat 16:00-da start götürəcək.
Püşkatma mərasimində 1/4 və yarımfinal cütlükləri bəlli olacaq, eyni zamanda, final matçının nominal meydan sahibinin adına aydınlıq gələcək.
Bu mərhələdən etibarən, püşkün nəticəsinə əsasən, istənilən ölkə təmsilçisi bir-birilə qarşılaşa biləcək.
1/4 final mərhələsinin ilk oyunları aprelin 13-də, cavab matçları bundan bir həftə sonra gerçəkləşəcək. Yarımfinal görüşləri mayın 11-i və 18-də olacaq.
Turnirin final görüşü isə mayın 31-də Macarıstanın paytaxtı Budapeştdəki “Puşkaş Arena”da baş tutacaq.
UEFA Avropa Liqası
1/4 final mərhələsi
“Union” (Belçika)
“Bayer” (Almaniya)
“Sportinq” (Portuqaliya)
“Roma” (İtaliya)
“Sevilya” (İspaniya)
“Yuventus” (İtaliya)
“Mançester Yunayted” (İngiltərə)
“Feyenoord” (Niderland).