Azərbaycan millisi son oyunda altı qol buraxdı

17 yaşadək qadın futbolçulardan ibarət Azərbaycan milli komandası Avropa çempionatının seçmə mərhələsində son oyununu keçirib.

Oxu.Az xəbər verir ki, yığma Bosniya və Herseqovinada təşkil edilən matçda Monteneqro ilə qarşılaşıb.

Görüş rəqibin 6:1 hesablı qələbəsi ilə başa çatıb. Millimizin yeganə qolunu 34-cü dəqiqədə Ayşən Salamzadə vurub.

Azərbaycan yığması əvvəlki oyunlarında Qazaxıstanı iki cavabsız qolla məğlub edib, Bosniya və Herseqovinaya eyni hesabla uduzub. Yekunda milli üç xalla seçmə mərhələni üçüncü yerdə başa vurub və növbəti mərhələyə yüksələ bilməyib.