Tilke: Bakıda tras tamamilə fərqli olacaq
Tilke: Bakıda tras tamamilə fərqli olacaq
“Biz hakimiyyətlə sıx əməkdaşlıq edirik”.
Bakıda “Formula-1” Qran-prinin keçirilməsi üçün işlər tam sürətlə gedir.
Oxu.Az xəbər verir ki, “Formula-1”-in memarı German Tilke bu barədə championat.com saytına müsahibəsində bildirib.
“Biz hakimiyyət ilə sıx əməkdaşlıq edirik və artıq deyə bilərəm ki, tras həm iştirakçılar, həm də tamaşaçılar üçün həddən artıq maraqlı alınacaq.
Bu, unikal olacaq və dünyada artıq mövcud olan heç bir trasa oxşamayacaq! Bakıdakı trası nə Monako, nə də digər bir küçə trası ilə müqayisə etmək mümkün olacaq”, - o deyib.
O qeyd edib ki, Bakı tarixi, öz xüsusiyyətləri, xarakteri olan qədim şəhərdir və bütün bunlar sözsüz ki, “Formula-1” trasında öz əksini tapacaq.
“Sadəcə inanın ki, bu, tamamilə fərqli bir şey olacaq”, - o əlavə edib.
