“Türk Hava Yolları”na böyük məbləğdə zərər dəyib – RƏQƏMLƏR
“Türk Hava Yolları”na böyük məbləğdə zərər dəyib – RƏQƏMLƏR
“Türk Hava Yolları” (THY) aviaşirkətinin İstanbula yağan güclü qar səbəbindən son 4 gündə 1000-dən çox uçuşu ləğv etdiyi bildirilib.
Oxu.Az-ın məlumatına görə, “Report” “Bloomberg” agentliyinə istinadən xəbər verir ki, bu səbəbdən THY 15 min nəfəri hotellə təmin edib, 40 min nəfərə isə qida yardımı paylayıb.
Nəticədə, THY-nın son 4 gündə uğradığı zərərin həcmi 100 mln. lirəyə (28 mln. ABŞ dolları) çatıb.
Bir çox təyyarəni başqa hava limanlarına endirməyə məcbur qalan THY-nın zərəri təyyarələrin havada dövr edərək əlavə yanacağ sərf etməsi səbəbindən daha da artıb.
THY-nın zərər etməsi İstanbul Fond Birjasında onun səhmlərinin qiymətinə də mənfi təsir edib. Belə ki, dünən, yanvarın 9-da THY-nın səhmləri 4,87% ucuzlaşıb.
Qar səbəbindən THY-nın 2017-ci ilin ilk rübünü hətta zərərlə tamamlanması gözlənilir.
U.A.
www.oxu.az