May
2017
11:22
115
14
3343
Virtual karabakh

Gürcüstan turizmdən nə qədər qazanıb?

2 May, 2017
11:22
3343

Gürcüstan turizmdən nə qədər qazanıb?

Bizim WhatsApp kanalımıza buradan abunə ola bilərsiniz

Cari ilin aprel ayında Gürcüstanı 510 min 594 xarici vətəndaş ziyarət edib ki, bu da ötən ilin analoji dövrü ilə müqayisədə 10,2% çoxdur. 

Oxu.Az APA-ya istinadən xəbər verir ki, bu barədə Gürcüstanın Milli Turizm Administrasiyasının açıqladığı məlumatda deyilir.

Ötən ay ərzində qonşu ölkəyə səfər edən xaricilərdən 222 min 622 nəfəri (29,7% artım) ölkə ərazisində 1 sutkadan çox qalıb.

Apreldə Gürcüstana səfər edən Azərbaycan vətəndaşlarının sayı illik müqayisədə 7,1% artıb.

Bundan başqa, Ukraynadan Gürcüstana səfər edənlərin sayında 27,2%, Rusiyadan 16,5%, Ermənistandan isə 13,2%-lik artım müşahidə olunur.

Avropa İttifaqına üzv olan ölkələrdən Gürcüstana səfər edənlərin sayında da müsbət dinamika qorunmaqdadır. 

Apreldə Gürcüstana daha çox Almaniya (+74%), Böyük Britaniya (+51%), Litva (+43%) və Polşa (+26%) vətəndaşları səfər edib.

Ümumilikdə, yanvar-aprel ayları ərzində Gürcüstana 1,7 mln. nəfər xarici vətəndaş səfər edib ki, bu da ötən ilin müvafiq dövrü ilə müqayisədə 11,1% çoxdur.

Qeyd edək ki, 2016-cı ildə Gürcüstanın turizm sektorundan əldə etdiyi gəlir 2,2 mlrd. dollar təşkil edib. 

Ötən il Gürcüstanın ümumi daxili məhsul istehsalında turizmin payı 7,1% olub.

U.A.
www.oxu.az

Bizimlə əlaqə saxlayın

Digər Turizm xəbərləri