30 
Apr
2020
10:29
33
171
5991
Virtual karabakh

Türkiyədə turizm mövsümündə hotellərin qiyməti qalxacaq? - AÇIQLAMA

30 Apr, 2020
10:29
5991

Türkiyədə turizm mövsümündə hotellərin qiyməti qalxacaq? - AÇIQLAMA

Bizim WhatsApp kanalımıza buradan abunə ola bilərsiniz

Türkiyə hotelləri koronavirus pandemiyası bitdikdən sonra qiymətləri artırmayacaq.

“RİA Novosti” bu barədə “Türkiyə Hotelçiləri Federasiyası”nın rəhbəri Sururi Çorabatırın açıqlamasına istinadla xəbər yayıb.

“Bu il pandemiya səbəbindən qiymət artımı olmayacaq. Heç kim buna şübhə etməsin. Turizm agentlikləri ilə bu mövsüm üçün bütün müqavilələri keçən il bağlamışıq. Qiymətləri qaldıra bilmərik. Bu il qiymətlər müqavilələrdə razılaşdırılmış şəkildə qalır. Bundan əlavə, bəzi hotellər müştəriləri cəlb etmək üçün əlavə endirim və kampaniyalar da edə bilər. Amma bu ümumilikdə, qiymətlərin düşməsi anlamına gəlməyəcək”, - deyə S.Çorabatır bildirib.

Onun sözlərinə görə, pandemiyadan sonra dezinfeksiyaedici vasitələrə olan ehtiyac və işçi heyətinin çoxluğu səbəbindən hotellərin xərcləri arta bilər:

“Ancaq indi dövlət koronavirusa görə sarsılan sahələri və xüsusilə, turizm sektorunu dəstəkləyir. Bu dəstək tədbirləri bizim üçün kifayətdir. Başqa dəstək lazım olacaqsa, əminəm ki, hökumət bizimlə görüşəcək və turizm sektorunu problem içərisində qoymayacaq”, - deyə o qeyd edib.

Bizimlə əlaqə saxlayın

Digər Turizm xəbərləri