21 
Yan
2021
13:36
127
10
2289
Virtual karabakh

Fuad Nağıyev BMT-nin tədbirində iştirak etdi - FOTO

21 Yan, 2021
13:36
2289

Fuad Nağıyev BMT-nin tədbirində iştirak etdi - FOTO

Bizim WhatsApp kanalımıza buradan abunə ola bilərsiniz

Azərbaycan BMT-nin Ümumdünya Turizm Təşkilatının İcraiyyə Şurasının 113-cü sessiyasında təmsil olunub.

Dövlət Turizm Agentliyindən Oxu.Az-a verilən məlumata əsasən, sessiya 18-19 yanvarda İspaniya Krallığının Madrid şəhərində turizm nazirləri, dövlət və özəl sektorun rəhbərlərinin iştirakı ilə keçirilib.

35-dən çox ölkədən 150-ə yaxın nümayəndənin iştirak etdiyi tədbirdə Azərbaycanı Dövlət Turizm Agentliyinin sədri Fuad Nağıyevin rəhbərlik etdiyi nümayəndə heyəti təmsil edib.

Sessiya çərçivəsində pandemiya ilə əlaqədar yaradılmış Qlobal Turizm Böhranı Komitəsinin görüşünün keçirilməsi, postpandemiya dövründə turizmin bərpası, ölkələrarası təhlükəsiz və maneəsiz səyahət üçün ümumi addımların atılması kimi məsələlər müzakirə edilib.

Sessiya zamanı İspaniya Kralı VI Filip iştirakçı ölkələrin nümayəndə heyətlərinin rəhbərlərini qəbul edib. Həmçinin tədbir iştirakçılarının İspaniyanın Baş naziri Pedro Sançeslə də görüşü keçirilib.

Sessiya çərçivəsində 2022-2025-ci illər üçün BMÜTT-ün baş katibi vəzifəsinə yenidən təşkilatın hazırkı baş katibi Zurab Pololikaşvili seçilib.

Bizimlə əlaqə saxlayın

Digər İqtisadiyyat xəbərləri