İyn
2023
18:41
80
12
1026
Virtual karabakh

Çexiyanın sənaye və ticarət naziri ilə görüş keçirildi - YENİLƏNİB + FOTO

1 İyn, 2023
18:41
1026

Çexiyanın sənaye və ticarət naziri ilə görüş keçirildi - YENİLƏNİB + FOTO

Bizim WhatsApp kanalımıza buradan abunə ola bilərsiniz

Çexiyanın sənaye və ticarət naziri Yozef Sikela ilə görüşdə iqtisadi-ticarət əməkdaşlığının inkişafı, azad edilmiş ərazilərimizdə “yaşıl” enerji zonasının inkişafında çex şirkətlərinin iştirakı imkanları və digər məsələlər barədə müzakirə aparılıb.

Bu barədə İqtisadiyyat Nazirliyi məlumat yayıb.

Bildirilib ki, Çexiyanın sənaye və ticarət naziri Yozef Sikela ilə görüşdə iqtisadiyyat naziri Mikayıl Cabbarov ikitərəfli əlaqələrin genişlənməsinə önəm verildiyini bildirib. Diqqətə çatdırılıb ki, ölkələrimiz arasında iqtisadi-ticarət əməkdaşlığı inkişaf edir. Bu ilin yanvar-aprel aylarında Azərbaycan-Çexiya ticarət dövriyyəsinin həcmi dəfələrlə artıb. İki ölkə arasında Avropa İttifaqı çərçivəsində, həmçinin, ticarət, enerji, kənd təsərrüfatı və digər sahələrdə səmərəli əməkdaşlıq var. Bununla yanaşı, investisiya, sənaye, nəqliyyat-tranzit və s. sahələrdə tərəfdaşlığın genişləndirilməsi, neft-kimya məhsullarının Çexiyaya ixracı üçün geniş imkanlar qeyd olunub.

Görüşdə Azərbaycanın nəqliyyat-tranzit imkanları, Ələt Azad İqtisadi Zonası, Bakı Gəmiqayırma Zavodu və Bakı Beynəlxalq Dəniz Ticarət Limanı barədə məlumat verilib, ölkəmizin sənaye istehsalının lokallaşdırılmasında maraqlı olduğu, çex şirkətlərinin bu məsələdə fəal rol oynaya biləcəkləri bildirilib. Tədbirdə ölkəmizin əlverişli işgüzar mühiti, investorlara yaradılan imkanlar, azad edilmiş ərazilərimizdə həyata keçirilən layihələr, Qarabağ və Şərqi Zəngəzur iqtisadi rayonlarının “yaşıl” enerji zonası elan edilməsi barədə də məlumat verilib.

Çexiyanın sənaye və ticarət naziri Yozef Sikela ölkəsinin Azərbaycanı enerji təhlükəsizliyinin təminatında etibarlı tərəfdaş hesab etdiyini, sənaye, ticarət, nəqliyyat-tranzit, bərpa olunan enerji və digər sahələrdə əməkdaşlığın inkişafı üçün geniş potensialı qeyd edib.

Tərəflər iqtisadi-ticarət əməkdaşlığının inkişafı və digər məsələlər barədə müzakirə aparıblar.

16:36

İqtisadiyyat naziri Mikayıl Cabbarov Çexiyanın sənaye və ticarət naziri Yozef Sikela (Jozef Síkela) ilə Azərbaycan-Çexiya iqtisadi-ticari əlaqələrinin gücləndirilməsi üçün potensial imkanlar barədə fikir mübadiləsi aparıb.

Bu barədə məlumatı Mikayıl Cabbarov öz rəsmi “Facebook” səhifəsində paylaşıb.

“Ölkələrimiz arasında investisiya, sənaye, nəqliyyat-tranzit və turizm sahələrində əməkdaşlığın genişləndirilməsi üçün böyük imkanlar var”, - deyə paylaşımda bildirilib.

Bizimlə əlaqə saxlayın

Digər İqtisadiyyat xəbərləri