Vüqar Hüseynov: Kənd təsərrüfatı məhsullarının ixracı artıb - VİDEO
Vüqar Hüseynov: Kənd təsərrüfatı məhsullarının ixracı artıb - VİDEO
Ötən illə müqayisədə, ölkədə kənd təsərrüfatı məhsullarının ixracında artım müşahidə olunub.
Kənd Təsərrüfatı Nazirliyinin mətbuat xidmətinin müavini Vüqar Hüseynov Baku TV-yə ilk səkkiz ayın statistikasını açıqlayıb.
Qurum rəsmisinin sözlərinə görə, ixrac olunan əsas kənd təsərrüfatı məhsulları arasında pomidor ilk yerdə dayanır. Bundan başqa, bu siyahıya meyvə və qurudulmuş fındıq, eyni zamanda, qurudulmuş pambıq liflərini də aid etmək olar.
Vüqar Hüseynovun sözlərinə görə, qonşu ölkələrdəki maliyyə sabitliyinin pozulması kənd təsərrüfatı məhsullarının ixracatına təsir göstərməyib.
Azərbaycan üçün əsas bazarın Rusiya olduğunu deyən Vüqar Hüseynov fermerlərə bazarda daha çox tələbat olan məhsulları əkməyi məsləhət görüb.
Billurə Mikayıllı
VİDEO: Hüseyn Həsənov