15 
Avq
2019
16:04
475
76
13536
Virtual karabakh

Bakının ictimai çimərliyi: heç pullular belə deyil - REPORTAJ

15 Avq, 2019
16:04
13536

Bakının ictimai çimərliyi: heç pullular belə deyil - REPORTAJ

Bizim WhatsApp kanalımıza buradan abunə ola bilərsiniz

Məlum olduğu kimi, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Bakının bir neçə yerində ictimai çimərliklər yaradılaraq vətəndaşların istifadəsinə verilib.

Həmin ictimai çimərliklərdən biri də Buzovna ərazisində təşkil olunub.

Baku TV əməkdaşları sözügedən çimərlikdə yaradılmış şəraitlə tanış olmaq üçün həmin ərazidə olub.

Əvvəllər baxımsız vəziyyətdə olan ərazi tamamilə təmizlənərək yeni çimərlik yaradılıb.

Belə ki, burada soyunub-geyinmə kabinləri, duş, sanitariya qovşaqları, futbol və voleybol meydançaları yaradılaraq istirahətə gələn vətəndaşların istifadəsinə verilib.

Bundan başqa, dəniz kənarına uzanan yola asfalt çəkilib və avtomobil dayanacağı yaradılıb.

İstirahətə gələn vətəndaşlar yaranmış şəraitdən çox məmnun qaldıqlarını deyərək, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevaya təşəkkürlərini bildiriblər.

Qeyd edək ki, Buzovnadan əlavə, Şıx və Goradil ərazilərində də bu cür ictimai çimərliklər təşkil olunub.

Müxbir: Sail Ağasəlim
Foto/Video: Valeh Arifoğlu

Bizimlə əlaqə saxlayın

Digər Cəmiyyət xəbərləri