Ermənistanda intihara cəhd edən hərbçi öldü - YENİLƏNİB

Ermənistanın paytaxtı Yerevan yaxınlığındakı hərbi hissələrdən birində intihara cəhd edən hərbçi Narek S. ölüb. 

“News.am” portalının məlumatına görə, 24 yaşlı hərbi qulluqçu aparıldığı xəstəxanada keçinib. 

Onun özünə qəsd etdiyi təsdiqlənib. Faktla bağlı özünü öldürmə həddinə çatdırma maddəsi ilə cinayət işi başlanıb.

11:37

Yerevanda müqaviləli hərbçi güllə yarası ilə xəstəxanaya yerləşdirilib. 

“Sputnik Ermənistan”ın məlumatına görə, hadisə paytaxt yaxınlığındakı hərbi hissələrdən birində baş verib. 

Qeyd edilib ki, adı açıqlanmayan hərbçinin vəziyyəti ağırdır. 

İlkin ehtimallara görə, o, özünə qəsd etmək istəyib. 

Ermənistan Müdafiə Nazirliyinin mətbuat katibi Artsrun Ovannisyan məlumatı təsdiq edib.