Erməni hərbçi yaralandı

İyulun 28-də Ermənistan ordusunun 33 yaşlı hərbçisi yaralı vəziyyətdə Noemberyan tibb mərkəzinə aparılıb.

Ermənistan mətbuatı xəbər verir ki, müqavilə əsasında xidmət keçən hərbçi odlu silahdan açılmış atəş nəticəsində dirsək hissəsindən yaralanıb.

Yaralanan hərbçi Zorakan kəndindən olan Vladimir Osipyandır. Tibb mərkəzindən bildiriblər ki, onun vəziyyəti orta ağırdır.

Hərbçinin həyatı üçün təhlükə yoxdur. Yaxın zamanda o, əməliyyat ediləcək.

Hərbçinin hansı şəraitdə yaralandığı hələ açıqlanmır.