Vətən müharibəsindən qayıdanlarla bağlı komissiyaya daxil olan müraciətlərin sayı bəlli oldu

"Səfərbərlikdən tərxis edilmiş şəxslərin qəbulunun keçirilməsi, onların müraciətlərinə vaxtında və obyektiv baxılmasının təmin edilməsi məqsədilə müdafiə naziri general-polkovnik Zakir Həsənovun müvafiq əmri ilə yaradılmış komissiyaya bu günə qədər 1 751 nəfər vətəndaş qəbul edilib".

Bunu Müdafiə Nazirliyinin mətbuat katibi Anar Eyvazov bu gün keçirilən brifinqdə deyib.

A.Eyvazov qeyd edib ki, komissiyanın Füzulidə yerləşən səyyar qrupu tərəfindən isə 202 müraciətə baxılıb:

“Vətəndaşlara lazımi qaydada köməklik göstərilməsi üçün bütün tədbirlər görülür".