“Haber Global”ın müxbiri: “Beynəlxalq təşkilatlar mina xəritələri ilə bağlı hərəkətə keçməlidir” - VİDEO
“Haber Global”ın müxbiri: “Beynəlxalq təşkilatlar mina xəritələri ilə bağlı hərəkətə keçməlidir” - VİDEO
“Birinci Qarabağ Müharibəsi zamanı Ermənistan minlərlə günahsız mülki şəxsi qətlə yetirib”.
Bunu “Haber Global”ın müxbiri Həsən Uylaş bildirib.
O qeyd edib ki, Vətən müharibəsi dövründə də Ermənistan mülki şəxsləri hədəf aldı:
“Tərtərdə, Bərdədə bunların bir çox nümunələrinə şahid olduq. İndi müharibənin bitməsinə, Qarabağın azad olmasına rəğmən mülki şəxslər zərər çəkməyə davam edir. Çox təəssüf ki, nəticədə iki jurnalist dostumuz orada şəhid oldu”.
O bildirib ki, Sirac Abışovla Kəlbəcərdə tanış olub, şəhid olması xəbərinə çox məyus olublar.
Jurnalistin sözlərinə görə, Ağdam istiqamətində çəkiliş apararkən yolun hər iki tərəfində minaların basdırılmasının şahidi olublar. O vurğulayib ki, Ermənistan minalanmış ərazilərin xəritəsini vermədiyindən, Azərbaycan minaların bastırldığı ərazilərdən məlumatsız olduğundan bu istiqamətdə əsas iş beynəlxalq təşkilatların üzərinə düşür:
“Beynəlxalq təşkilatlar hərəkətə keçməlidir. Minalanmış ərazilərin xəritəsi Azərbaycana təhvil verilməlidir. Yoxsa mülki itkilərin sayı artacaq”.