Füzulidə ermənilərin atıb qaçdıqları raket sistemi aşkarlanıb - VİDEO

Füzulidə xeyli sayda silah-sursat aşkar edilib.

Daxili İşlər Nazirliyinin Mətbuat Xidmətinin Bərdə regional qrupundan verilən məlumata görə, Füzuli Rayon Polis Şöbəsinin əməkdaşları rayon ərazisində keçirdikləri növbəti tədbirlər zamanı tərk edilmiş hərbi mövqelərdən müxtəlif silah-sursatlar aşkar ediblər.

Tapılan beş avtomat, üç qumbaraatan, bir pulemyot, bir tapança, bir minaatan, bir tank əleyhinə idarəolunan raket sistemi, 44 müxtəlif növ qumbara, yeddi mərmi, 2959 müxtəlif çaplı patronlar və digər döyüş sursatları aidiyyəti üzrə təhvil verilib.