Laçında şəhid olan hərbçilərimizin dəfn yerləri bəlli oldu - YENİLƏNİB + FOTO/VİDEO

Bu gün Laçında qaya uçqunu nəticəsində şəhid olan iki əsgərimizin dəfn olunacağı yerlər müəyyənləşib.

Oxu.Az-ın məlumatına görə, müddətli həqiqi hərbi xidmət hərbi qulluqçusu əsgər Xudiyev Samir Səməd oğlu Bakı şəhəri, Ramana qəsəbəsindəki Şəhidlər Xiyabanında dəfn olunacaq.

Digər şəhidimiz Əliyev Tahir Çingiz oğlu isə doğulduğu Ağstafa rayonunun Xətai kəndində dəfn olunacaq.

Dəfn mərasimləri sabah baş tutacaq.

15:42

Avqustun 5-də Laçın rayonunda qaya parçasının düşməsi nəticəsində ağır xəsarət almış əsgər Əliyev Tahir Çingiz oğlu vəfat edib.

Bu barədə Müdafiə Nazirliyi məlumat yayıb.

14:20

Avqustun 5-i Laçın rayonunda çətin relyefli ərazidə xidməti döyüş tapşırığını yerinə yetirərkən sıldırım qayalıqlardan qopan qaya parçası Azərbaycan Ordusunun müddətli həqiqi hərbi xidmət hərbi qulluqçuları əsgər Xudiyev Samir Səməd oğlu və əsgər Əliyev Tahir Çingiz oğlunun üzərinə düşüb.

Bu barədə Müdafiə Nazirliyi məlumat yayıb.

Məlumata görə, nəticədə əsgər S.Xudiyev aldığı bədən xəsarətlərindən hadisə yerində vəfat edib. Müxtəlif bədən xəsarətləri almış əsgər T.Əliyevin vəziyyəti ağır qiymətləndirilir.