Dek
2022
15:00
471
12
1785
Virtual karabakh

“Qardaş yumruğu” təlimində tanklar, təyyarələr, helikopterlər və PUA-lardan istifadə edilib - FOTO

6 Dek, 2022
15:00
1785

“Qardaş yumruğu” təlimində tanklar, təyyarələr, helikopterlər və PUA-lardan istifadə edilib - FOTO

Bizim WhatsApp kanalımıza buradan abunə ola bilərsiniz

Azərbaycan və Türkiyə ordularının iştirakı ilə keçirilən “Qardaş yumruğu” birgə təlimində tanklar, artilleriya batareyaları, təyyarələr, helikopterlər və pilotsuz uçuş aparatlarından (PUA) istifadə edilib.

Birgə təlim iki ölkə silahlı qüvvələrinin əməkdaşlığını və qarşılıqlı fəaliyyət qabiliyyətini artırmaq məqsədi daşıyır.

Dekabrın 6-da soyuq və qarlı havada həyata keçirilən təlim çərçivəsində ilk olaraq artilleriya batareyaları ilə müəyyən edilmiş hədəflərə atəş açılıb.

Hədəflər dəqiqliklə vurulduqdan sonra tank atışlarına başlanılıb. Sonra “T-72” və “T-90” tankları müəyyən edilən hədəfləri məhv etdikdən sonra ikinci dəfə artilleriya batareyaları atəş açıb. Artilleriya atəşindən sonra isə zirehli bölmələrin hücumları başlayıb.

Təlimin növbəti hissəsində şərti yaralılar helikopterlə təxliyə olunub, eyni zamanda ponton körpülərlə çaydan keçmə əməliyyatı icra edilib, artilleriya batareyalarının köçürülməsi həyata keçirilib. Bütün bu proses hərbi hava qüvvələri elementlərinin hava dəstəyi ilə reallaşdırılıb.

“Qardaş yumruğu” təlimi planda nəzərdə tutulan hədəflərin tutulması ilə uğurla başa çatıb.

Bizimlə əlaqə saxlayın

Digər Müharibə xəbərləri