10 
Apr
2015
13:09
120
7
3160
Virtual karabakh

Amerikalı jurnalist Azərbaycanın “qara siyahısında”

10 Apr, 2015
13:09
3160

Amerikalı jurnalist Azərbaycanın “qara siyahısında”

XİN məlumat yaydı.

Nyu-York Times qəzetində məqalə ilə çıxış edən Set Kuqel adlı şəxs Azərbaycanın Respublikasının işğal olunmuş ərazilərinə qeyri-qanuni səfər edib və Azərbaycan Respublikasının Dövlət Sərhədi haqqında qanununu pozub.

Oxu.Az xəbər verir ki, bu barədə Azərbaycan XİN-nin Mətbuat xidmətinin rəhbəri Hikmət Hacıyev bildirib.

H.Hacıyevin sözlərinə görə, bu şəxsin Azərbaycanın işğal olunmuş ərazilərində obyektiv vəziyyəti təhrif edən bu məqaləsi əslində  Nyu-York Times qəzetinin oxucu auditroyasına və işğal olunmuş ərazilərdə qanlı etnik təmizləməyə məruz qalmış bir milyondan artıq azərbaycanlı qaçqın və məcburi köçkünün hüquqlarına qarşı hörmətsizlikdir.

“Belə bir yazının Nyu-York Times qəzetində özünə yer alması təəssüf doğurur. Erməni lobbi dairələrinin sifarişi ilə ərsəyə gələn bu məqalədə Azərbaycanın işğal olunmuş ərazilərində azərbaycanlılara məxsus mülkiyyətin talan edilməsi, Azərbaycan xalqına aid maddi-mədəniyyət nümunələrinin, o cümlədən İslam dininə aid abidələrin və ibadət ocaqlarının məhv edilməsi faktları məqsədyönlü şəkildə öz əksini tapmamışdır”, - deyə, o, vurğulayıb.

H.Hacıyev qeyd edib ki, “işğal olunmuş ərazilərə “turizm” səfərlərindən danışan və belə bir qərəzli yazıya yer verən Nyu-York Times qəzetinin redaksiyasına xatırlatmaq istərdik ki, münaqişə ərazisi olan bu ərazilər insan alveri, narkotik maddələrin hazırlanması və dövriyyəsi, qanunsuz silah ticarəti və terrorçuların hazırlanması kimi transmilli cinayətlərin həyata keçirildiyi məkandır”.

“Bu şəxsin adı arzuedilməz şəxslər siyahısına daxil ediləcəkdir”, - deyə, nazirlik rəsmisi bəyan edib.

www.oxu.az

Bizimlə əlaqə saxlayın

Digər Müharibə xəbərləri