Qazaxıstanda hərbçilər qar uçqunu altında qaldılar: Ölənlər var – YENİLƏNİB
Qazaxıstanda hərbçilər qar uçqunu altında qaldılar: Ölənlər var – YENİLƏNİB
Qazaxıstanın cənubunda qar uçqunu altından xilas olan hərbçilərin sayı 16 nəfərə çatdı.
Oxu.Az xəbər verir ki, bu barədə RİA Novosti-yə Qazaxıstan DİN-in Fövqəladə Hallar Komitəsinin nümayəndəsi Ruslan İmankuliyev bildirib.
“Xilas olanların sayı 10-dan 16-ya çatıb, Ölənlərin sayı əvvəlki kimi 7 nəfərdir”, - o deyib.
Daha öncə Qazaxıstanın Müdafiə Nazirliyi hadisə yerində axtarış-xilasetmə işlərinin davam etdiyi barədə məlumat yaymışdı.
16:38
Qazaxıstanın cənubunda qar uçqunu baş verən ərazidə ölənlərdən yeddisinin meyiti tapılıb.
Oxu.Az xəbər verir ki, bu barədə RİA Novosti-yə Qazaxıstan DİN-in Fövqəladə Hallar Komitəsinin nümayəndəsi Ruslan İmankuliyev bildirib.
O, həmçinin on nəfərin xəsarət aldığını bildirib. Hadisə yerində axtarış-xilasetmə işləri davam edir.
Daha öncə Qazaxıstanın Müdafiə Nazirliyi hərbi təlimlərin keçirildiyi Jambılsk vilayətinin Koksay dərəsində qar uçqunu baş verib. Hərbi hissənin hərbçiləri qar uçqunu altında qalıblar.
15:08
Qazaxıstanın cənubunda hərbi təlimlər zamanı qar uçqunu baş verib, axtarış-xilasetmə işləri aparılır.
Oxu.Az xəbər verir ki, bu haqda respublikanın Müdafiə Nazirliyi məlumat yayıb.
“Koksay Jambılsk vilayətində hərbçilərin təlimi zamanı gözlənilmədən qar uçqunu baş verib”, - məlumatda deyilir.
Nazirlikdən qeyd ediblər ki, hadisə yerində axtarış-xilasetmə işləri aparılır.
Regional “Cənub” komandanlığında əməliyyat qərargahı yaradılıb.
N.O.
www.oxu.az