Hindistanda körpü uçub: Ölənlər var

Hindistanda piyada körpüsünün uçması nəticəsində iki nəfər ölüb, 30 nəfər itkin düşüb.

Oxu.Az APA-ya istinadən xəbər verir ki, bu barədə “russian.news.cn” saytı məlumat yayıb. Məlumata görə, hadisə Cənubi Qoada baş verib.

Hazırda axtarış-xilasetmə işləri aparılır. Polisin məlumatına görə, körpünün uçması nəticəsində suya düşən insanların bir hissəsi xilas ola bilib.

Yerli sakinlərin sözlərinə görə, körpü qəzalı vəziyyətdə idi və son 4 ildə onun üzərindən hərəkət etmək qadağan olunub. Çaya düşən şəxslərdən 14 nəfər xilas edilərək xəstəxanaya yerləşdirilib.

S.S.
www.oxu.az