Türkiyədə fövqəladə vəziyyət rejimi uzadılıb

Türkiyə parlament  fövqəladə vəziyyət rejiminin 3 ay müddətinə uzadılmasına dair qərar qəbul edib.

Oxu.Az-ın xəbərinə görə, bu barədə Anadolu agentliyi məlumat yayıb.

Hazırda tətbiq edilən fövqəladə vəziyyət rejiminin müddəti iyulun 19-da başa çatır.

Qeyd edək ki, bu artıq dördüncü dəfədir ki, Türkiyədə fövqəladə vəziyyətin müddəti uzadılır. Türkiyədə fövqəladə vəziyyət ötən ilin iyul ayında hərbi çevrilişə cəhddən sonra tətbiq edilib. Həmin vaxtdan sonra ölkə parlamenti tərəfindən fövqəladə vəziyyət 3 dəfə 3 ay müddətinə uzadılıb.

S.B.
www.oxu.az