Misir Qətərə viza rejimi tətbiq edir

Misir hökuməti Qətər vətəndaşlarına ölkəyə giriş üçün viza rejimi tətbiq etmək istəyir.

Oxu.Az-ın xəbərinə görə, bu barədə Anadolu agentliyi Qahirə Beynəlxalq Aeroportundakı mənbəyə istindən məlumat yayıb.

Məlumata əsasən, qərar cümə axşamı, iyulun 20-də qüvvəyə minəcək.

Qeyd olunur ki, bundan sonra Qətər vətəndaşları Misirə getmək üçün əvvəlcədən viza almalı olacaqlar. İstisna yalnız Misir universitetlərində təhsil alan tələbələrə aid ediləcək.

Viza rejiminin yalnız vətəndaşlara deyil, Qətərin diplomatik nümayəndələri və dövlət məmurlarına da şamil olunacağı bildirilir.

S.B.
www.oxu.az