Moldova Rusiya baş nazirinin müavini Dmitri Roqozini "persona-non qrata" elan edib
Moldova Rusiya baş nazirinin müavini Dmitri Roqozini "persona-non qrata" elan edib
Moldova hökuməti Rusiya baş nazirinin müavini Dmitri Roqozini "persona-non qrata" elan edib.
Oxu.Az-ın TASS-a istinadən verdiyi xəbərə görə, bu barədə qərar Moldova hökumətinin iclasında verilib. Moldova xarici işlər naziri Andrey Qalbur hökumətin iclasında Rusiya baş nazirinin müavini Dmitri Roqozini arzuolunmaz şəxslərin siyahısına salmağı, onun ölkə ərazisinə girişinin yasaqlanmasını təklif edib.
Onun fikrincə, D.Roqozin Moldova və onun vətəndaşlarına qarşı pisniyyətli və xoşagəlməz xarakter daşıyan bəyanatlar səsləndirdiyi üçün arzuolunmaz şəxs elan olunub. D.Roqozinə Moldovaya giriş və Moldova ərazisindən tranzit kimi istifadə etmək qadağan ediləcək.
Qeyd edək ki, D.Roqozin iqtisadi əməkdaşlığa dair Moldova-Rusiya birgə hökumətlərarası komissiyasının Rusiya tərəfindən olan həmsədri və Rusiya prezidentinin Dnestryanı münaqişəsinə dair xüsusi nümayəndəsidir.
İ.F.