Ərəb teleaparıcı bu hərəkətinə görə həbs olundu - VİDEO
Ərəb teleaparıcı bu hərəkətinə görə həbs olundu - VİDEO
Səudiyyə Ərəbistanının ən məşhur teleaparıcılarından biri, müğənni Abdulla əl Şəhani həbs olunub. O, "ictimai yerdə mənəviyyatsız, əxlaqsız və tərbiyəsiz hərəkət" etməkdə suçlanır.
Oxu.Az milli.az-a istinadən xəbər verir ki, Səudiyyə Ərəbistanının cənub-qərbindəki Taif şəhərində konsert zamanı Abdulla əl Şəhani səhnədə "dabbinq" hərəkətini yerinə yetirib.
"Dabbinq" dünyada geniş yayılmış, populyar hərəkətdir və qələbə sevincini izhar edir.
Səudiyyə Ərəbistanının DİN-i isə bu hərəkəti "narkotik maddələrin və narkomaniyanın təbliğatına yönələn, əxlaqsız hərəkət" kimi dəyərləndirib.
Teleaparıcı "Twitter"dəki profilində üzr istəyib: "Bu hərəkətimə görə çox hörmətli və müdrik hökumətimizdən, tamaşaçılarımdan üzr istəyirəm. Lütfən, məni bağışlayın".
Səudiyyə Ərəbistanının tanınmış jurnalistlərindən olan Əyyad əl Əyyad isə olayı belə dəyərləndirib: "O konsertdə qadınlar da çığırırdılar. Bu, biabırçılıq idi və məni narahat edir. Qanunu pozanlar həbs olunmalıdır. Polisə minnətdaram".
A.H.