“İrma” qasırğası bir neçə adanı dağıdıb – VİDEO

Tarixin ən güclü qasırğalarında biri adlandırılan “İrma” Atlantik okean hövzəsində artıq bir neçə adanı dağıdaraq Dominikan Respublikasına yaxınlaşıb.

Oxu.Az-ın xəbərinə əsasən, Dominikan Respublikasında hava limanları bağlanıb. Turistlər hotellərə qaytarılır, onlara yaşadıqları ərazini tərk etməmək məsləhət görülüb. Okeana yaxınlaşmaq qadağan olunub.

Qasırğanın həmçinin ABŞ sahillərinə də yaxınlaşdığı bildirilir. Florida ştatında fövqəladə vəziyyət elan edilib. Yerli hakimiyyət orqanları Mayamidən əhalini təxliyə edirlər. Yüzlərlə xilasedici təhlükəli bölgələrə cəlb olunub. 

S.B.
www.oxu.az