Meksikada zəlzələ nəticəsində ölənlərin sayı 90 nəfərə çatıb

Meksika sahillərində 8,2 bal gücündə baş verən zəlzələ nəticəsində ölənlərin sayı 90 nəfərə çatıb. 

Oxu.Az-ın verdiyi xəbərə görə, bu barədə ölkənin Daxili İşlər Nazirliyi məlumat yayıb.  

“Məlumata əsasən, ölənlərin sayı 90 nəfərə çatıb, onlardan 71 nəfəri Oahaka, 15-i Çyapasa və dördü isə Tabasko ştatındandır”, - deyə nazirliyin bəyanatında  bildirilir.

Qeyd edək ki,  8,2 bal gücündə zəlzələ sentyabrın 8-də, saat 04.49-da baş verib. Zəlzələnin episentri Tres-Pikos yaşayış məntəqəsindən 119 km cənub-qərbdə, yerin səthindən 33 km dərinlikdə qeydə alınıb.  

Zəlzələdən sonra sunami xəbərdarlığı verilib.

N.О.

www.oxu.az