Tbilisidə qətlə yetirilən "Lotu Quli"nin sağ əli çıxdı - FOTO + YENİLƏNİB
Tbilisidə qətlə yetirilən "Lotu Quli"nin sağ əli çıxdı - FOTO + YENİLƏNİB
Tbilisidə gecə saatlarında qətlə yetirilən azərbaycanlının şəxsiyyəti müəyyənləşib.
Oxu.Az Rustavi 2 kanalına istinadən xəbər verir ki, qətlə yetirilən şəxs 1975-ci il təvəllüdülü Elçin Məmmədov adlı şəxsdir.
Yayılan xəbərə görə, Elçin Məmmədov kriminal aləmdə “Lotu Quli” kimi tanınan Nadir Səlifovun sağ əli olub.
Onun adı Rövşən Lənkəranskinin qətlində hallanırmış.
10:51
Ötən gecə Gürcüstanın paytaxtı Tbilisi şəhərinin Abanotubani rayonunda azərbaycanlı odlu silahla qətlə yetirilib.
Oxu.Az APA-ya istinadən xəbər verir ki, onun meyiti “Toyota” markalı avtomobildə aşkar olunub. Həmin şəxsin Rusiyada cinayət əməllərinə görə axtarışda olduğu bildirilir.
Digər məlumatlara əsasən, qətlə yetirilən şəxs Azərbaycan vətəndaşıdır.
Hadisə şahidlərinin sözlərinə görə, atəş səslərindən öncə qətlə yetirilmiş şəxs başqa şəxslə restoranda olub və onlar mübahisə ediblər.
Bütün gecə ekspert-kriminalistlər hadisə yerində istintaq tədbirləri həyata keçiriblər.
Faktla bağlı hələlik saxlanılan yoxdur.
Gürcüstan Daxili İşlər Nazirliyi faktla bağlı hələ rəsmi məlumat yaymayıb.