İki Koreya vahid bayraq altında birləşdi

Şimali Koreya və Cənubi Koreya komandaları gələn ay Pxençxan şəhərində keçiriləcək Qış Olimpiya Oyunlarının açılış mərasimində vahid bayraq altında iştirak edəcək.

Oxu.Az Associated Press- ə istinadən xəbər verir ki, bu barədə Pxanmuncom sərhəd məntəqəsində Şimali Koreya və Cənubi Koreya nümayəndə heyətləri arasında keçirilmiş danışıqlar zamanı razılığa gəlinib.

Bundan başqa, hokkey yarışlarında Şimali Koreya və Cənubi Koreya vahid komanda ilə təmsil olunacaq.

Qeyd edək ki, Şimali Koreya Oyunlara 150 nəfərdən ibarət heyət göndərməyə razılıq verib. Oyunlara gələn ayın əvvəlində start veriləcək.

A.M.
www.oxu.az