23 
Yan
2018
17:03
81
215
7047
Virtual karabakh

Alyaskada güclü zəlzələ: Sunami təhlükəsi var

ABŞ-ın Alyaska ştatının sahillərində 8.1 bal gücündə zəlzələ baş verib.

Bu barədə Oxu.Az “Rossiya 24” telekanalına istinadən məlumat yayır.

Məlumata görə, yeraltı təkanların episentri Alyaska körfəzində, Kadyak adasından 280 kilometr cənub-şərqdə qeydə alınıb.

ABŞ-da zəlzələdən sonra sunami təhlükəsi yaranıb. Sunami riski ilə bağlı Kanadanın Britaniya Kolumbiyası vilayətinin sahilyanı rayonları və Vaşinqton ştatının sərhədindən Attu adasına kimi olan ərazilərdə xəbərdarlıq elan olunub. Hökumət sakinləri həmin əraziləri tərk etməyə çağırıb.

Geoloji xidmət zəlzələni sarı dərəcə ilə təsnif edib. Sarı dərəcəli xəbərdarlıq - insan itkisi və iqtisadiyyata ziyanın az ehtimal olunduğunu bildirir.

Zəlzədən dörd saat sonra hündür dalğaların Havay adalarına çatacağı istisna edilmir. Həmin zəlzələnin Yeni Zelandiya üçün də potensial sunami riski yaratdığı bildirilir. Hələlik dağıntılar və itkilər barədə heç bir məlumat yoxdur. 

www.oxu.az

Bizimlə əlaqə saxlayın

Digər Dünya xəbərləri