Norveç Olimpiadada hegemonluğunu davam etdirir

Cənubi Koreyanın Pyançanq şəhərində keçirilən Qış Olimpiadasında Norveç hegemonluğunu davam etdirir.

Oxu.Az xəbər verir ki, indiyə olan duruma görə, Norveç 11 qızıl medalla liderdir. Almaniya 10 qızıl medalla II, Kanada isə III sıradadır. Kanadalılar 6 qızıl medal qazanıb.

Medal sayında da norveçlilər aşkar liderdir. Onlar ümumilikdə 28 medal qazanıb. Rusiya atletləri 11 medalla XX sırada qərarlaşıb. Onların aktivində 3 gümüş və 8 bürünc medal var. 

Səbuhi TOFİQOĞLU
www.oxu.az