Əfqanıstanda partlayışda ölənlərin sayı artıb – YENİLƏNİB + FOTO
Əfqanıstanda partlayışda ölənlərin sayı artıb – YENİLƏNİB + FOTO
Şənbə günü Əfqanıstanın şərq əyaləti Nanqarharda kamikadzenin törətdiyi partlayış nəticəsində ölənlərin sayı 36 nəfərə çatıb, daha 65 insan yaralanıb.
Oxu.Az-ın RİA Novosti-yə istinadla verdiyi xəbərə görə, bu barədə “Pajvak” agentliyi məlumat yayıb.
Bundan əvvəl Ramazan bayramı günü törədilən partlayış zamanı 26 nəfərin öldüyü, 50-dən çox insanın isə yaralandığı bildirilirdi.
İŞİD terror təşkilatı partlayışla bağlı məsuliyyəti öz üzərinə götürüb.
16 iyun 20:12
Əfqanıstanda Ramazan bayramı atəşkəsi hökumət tərəfindən uzadılıb. Həbsdəki “Taliban” yaraqlıları azadlığa buraxılıb.
Oxu.Az xəbər verir ki, bu gün əllərində çiçəklərlə Kabilə gələn yaraqlılar daxili işlər naziri ilə görüşüblər.
Ancaq sevinc uzun sürməyib. Paytaxtda sevinc və bayram şənlikləri olduğu bir vaxtda Nanqarharda “Taliban” yaraqlıları və əsgərlərin toplandığı ərazidə partlayış baş verib.
26 nəfər ölüb. Yaralılar xəstəxanalara aparılıb. Ölü sayının artacağı istisna edilmir.
Hücumu İŞİD öz üzərinə götürüb.
