Trampın “Twitter” açıqlaması immiqrantları özündən çıxartdı
Trampın “Twitter” açıqlaması immiqrantları özündən çıxartdı
Qeyri-leqal miqrantlar məhkəmənin qərarı olmadan ölkədən deportasiya edilməlidirlər.
Oxu.Az xəbər verir ki, bu barədə ABŞ prezidenti Donald Tramp “Twitter” səhifəsində bildirib.
“Biz onları dərhal, məhkəmə qərarı olmadan geri göndərməliyik. ABŞ-da qeyri-qanuni miqrantların deportasiyası üçün məhkəmə qərarının olmasını tələb edən qanunlar dünyanın ən səfeh qanunlarıdır”, – deyə Tramp qeyd edib.
When people come into our Country illegally, we must IMMEDIATELY escort them back out without going through years of legal maneuvering. Our laws are the dumbest anywhere in the world. Republicans want Strong Borders and no Crime. Dems want Open Borders and are weak on Crime!
— Donald J. Trump (@realDonaldTrump) 30 июня 2018 г.
Qeyd edək ki, bu arada ABŞ-da prezident Donald Trampın immiqrasiya siyasətinin əleyhinə yüzlərlə kütləvi etiraz aksiyaları təşkil olunub. Aksiyalar Boston, Vaşinqton, Denver, Nyu York və Dallasda təşkil olunub.
Etirazçılar sərhəddə saxlanılan qanunsuz miqrantların uşaqlarının valideynlərinə qaytarılmasını tələb edirlər.
S.M.
www.oxu.az