Əfqanıstanda keçirilən seçkilərdə dörd müşahidəçi öldürüldü

Əfqanıstanın aşağı palatasına keçirilən seçkilər zamanı yaraqlılar 4 müşahidəçini oğurlayaraq qətlə yetiriblər.

Oxu.Az xəbər verir ki, onların cəsədləri bu gün Məzari-Şərifdə aşkarlanıb. Hələlik ölkə ərazisində fəaliyyət göstərən heç bir terror qruplaşması bu cinayətə görə məsuliyyəti üzərinə götürməyib.

Xatırladaq ki, bu gün daha öncə törədilən partlayış zamanı ən azı 11 nəfər həlak olmuşdu.

Seçkilərin birinci günü, dünən baş verən silahlı toqquşmalar və terror aktları zamanı isə ümumilikdə 44 nəfər öldürülüb, 238 nəfər yaralanıb.

www.oxu.az