Dünyanın dörd bucağına terror məktubları göndərilir - FOTO
Dünyanın dörd bucağına terror məktubları göndərilir - FOTO
ABŞ, Kanada, Avstraliya və Yeni Zelandiyada yüzlərlə şirkət, dövlət qurumu, məktəb, xəstəxana və digər qurumlara təhdid dolu elektron məktublar daxil olur. Məktubda həmin binalarda partlayışların törədiləcəyi ilə bağlı xəbərdarlıq edilib.
Oxu.Az xəbər verir ki, bu barədə “Reuters” məlumat yayıb.
Məlumata əsasən, məktub müəllifləri, kriptovalyuta (bitkoin) şəklində 20 min dollara qədər pulun ödənilməyəcəyi təqdirdə, partlayış törədəcəkləri ilə təhdid edir.
Bomb threat at the N&O building. Police are here and we have evacuated . pic.twitter.com/aCcresQpEE
— Jonathan M Alexander (@jonmalexander) December 13, 2018
Nyu-York polis idarəsi belə məktubların əksər ABŞ ştatlarında yayıldığını, ancaq bu təhdidlərin ciddi olmadığını bildirib. Polis rəsmiləri dələduzların qeyri-sabit vəziyyət yaratmaqla pul qazanmağa can atdıqlarını hesab edir.
So I actually just got a bomb threat in my work email today ordering me to send the person $20,000 via bitcoin or they will blow up my place of work.... 2018 is wild pic.twitter.com/sn0vVLwe6v
— Ryan William Grant (@TheeRyanGrant) December 13, 2018
“Şəxsi zəminli deyil, sadəcə, biznesdir”, - deyə təhdid məktublarının birində deyilir.
Məktub mətnlərində tələb olunan məbləğlərin köçürülməsi üçün fərqli bitkoin-cüzdan ünvanları göstərilir. Kimlərinsə “potensial partlayışın” qarşısını almaq üçün həmin hesaba pul keçirib-keçirmədiyi məlum deyil.
San-Fransiskoda partlayış təhlükəsi ilə əlaqədar Yəhudi icması mərkəzi, Pensilvaniyada universitet, Los-Ancelesdə “Call of Duty” oyununu yaradan şirkətin ofisi, Şimali Karolinada “News & Observer” nəşrinin redaksiyası boşaldılıb. Toronto şəhərində isə beş metro stansiyası bağlanıb.
.@SFPD is shutting off Sansome Street between California and Clay and evacuating Financial District office buildings due to a bomb threat in the area. Bomb squad enroute. pic.twitter.com/QMNKZXl3FK
— Todd Johnson (@SFBizTodd) December 11, 2018
Bundan başqa, “Facebook”un Kaliforniya şəhərindəki ofisində təxliyyə işləri aparılsa da, bunun göndərilən təhdid məktubu ilə bağlı olub-olmadığı məlum deyil.
ABŞ-ın Federal Təhqiqatlar İdarəsinin rəsmisi təhdid dolu məktublar barədə məlumatlı olduqlarını və hazırda araşdırma apardıqlarını açıqlayıb. İdarənin rəhbərliyi vətəndaşları ayıq-sayıq olmağa və ictimai təhlükəsizliyə təhdid yaradan istənilən hallar haqqında büronu məlumatlandırmağa çağırıb.
Avstraliya və Yeni Zelandiyada isə həmin məktublar terror kimi deyil, kibercinayətkarlıq ünsürü kimi araşdırılır.
Oxu.Az yeniləndi!