Trampın Suriyada yeni hərbi əməliyyat planı

ABŞ prezidenti Donald Tramp Suriyada silahdan istifadə imkanını nəzərdən keçirir. Lakin Vaşinqtonda ümid edirlər ki, bunun üçün səbəblər olmayacaq.

Oxu.Az “Reuters”ə istinadən xəbər verir ki, belə bir bəyanatla ABŞ dövlət katibi Mayk Pompeo çıxış edib.

O qeyd edib ki, Ağ ev İŞİD terror qruplaşmasını tam məhv etmək istəyir və yeni hədəflər yaranacağı təqdirdə, ABŞ onlara aviazərbələr endirəcək.

Pompeo həmçinin Yaxın Şərq ölkələrini İŞİD döyüşçüləri ilə mübarizəyə daha çox diqqət yetirməyə çağırıb.

“ABŞ geri çəkilən kimi xaos yaranır”, - deyə o vurğulayıb.