Malidə qətlə yetirilənlərin sayı artıb - YENİLƏNİB
Malidə qətlə yetirilənlərin sayı artıb - YENİLƏNİB
Şənbə günü Malinin mərkəzində qaban ovçularının geyimində olan naməlum şəxslərin hücumu nəticəsində ölən Fulani qəbiləsi nümayəndələrinin sayı 134-ə çatıb.
Bu barədə “Reuters” məlumat yayıb.
Qeyd edək ki, ölənlərin sayının 110 olduğu deyilirdi.
Qətlə yetirilənlər arasında uşaqlar, hamilə qadınlar və yaşlılar da var.
23 mart, 23:32
Malinin mərkəzində yerləşən Bankas şəhəri yaxınlığında yerləşən yaşayış məntəqəsində 110 çoban silahlı şəxslər tərəfindən qətlə yetirilib.
Gazeta.ru xəbər verir ki, bu barədə Bankas kommunasının meri məlumat yayıb.
Merin sözlərinə görə, qaban ovçularının geyimində olan naməlum şəxslər cümə günündən şənbəyə keçən gecə Bankas yaxınlığındakı Oqassaqu və Velinqara yaşayış məntəqələrinə hücum ediblər.
Merin dediyinə görə, Oqossaqu kəndi tamamilə dağıdılıb və hələ də müxtəlif yerlərdən ölü cəsədləri tapılır.