Yerevanda atışma - “Ararat”ın qapıçısı qətlə yetirildi

Dünən axşam saatlarında Yerevanın mərkəzində, Lepseus küçəsində atışma olub. 

News.am xəbər verir ki, ağır güllə yarası almış 3 nəfər - 23 yaşlı Muşeq Qevondyan, 26 yaşlı Robert Manukyan və 26 yaşlı Andranik Qalstyan xəstəxanaya gətiriliblər.

Qevondyan aldığı yaralardan həyatını itirib. Ölən şəxsin  “Ararat -2” futbol komandasının qapıçısı olduğu bildirilib.

Güllələnən üç nəfərin BMW markalı avtomobildə olduğu və maşının  güllə yağışına tutulduğu qeyd edilir.

Yaralanmış digər iki nəfərin əməliyyat olunduğu bildirilib.