“Taxt oyunları”nın səkkizinci mövsümünün yenidən çəkilməsi tələb olunur

“Taxt oyunları” teleserialının pərəstişkarlarının HBO telekanalından səkkizinci mövzümün yenidən çəkilməsini tələb etdikləri petisiya artıq bir milyondan çox imza toplayıb.

Oxu.Az bu barədə petisiyanın yerləşdirildiyi change.org saytındakı sayğaca istinadən xəbər verir.

Petisiya mayın 16-da yerləşdirilib və cəmi iki gün ərzində bir milyondan artıq imza toplayıb.

Petisiyanın tərtibatçıları Devid Benioff və Deniel Brett Vayssın (serialın müəllifləri) əllərində müraciət üçün ilkin material (yəni kitab) olmadıqda  səriştəsiz müəlliflər olduqlarından şikayətləniblər.

“Bu serial mənası olan sonuncu mövsümə layiqdir”, - deyə petisiyanın tərtibatçıları bildiriblər.